حالیہ تحقیق سے یہ بات سامنے آئی ہے کہ روزانہ صبح ایک کپ قہوہ پینا جسم کے لیے کئی فوائد کا حامل ہوتا ہے، اس سے وزن اور بڑھے ہوئے پیٹ کم ہونے کے علاوہ صحت بھی بہتر رہتی ہے۔
کھانے سے چند گھنٹے قبل قہوہ پینا بھوک کو کم کرنے میں معاون ہوتا ہے اور کیلوریز کو زیادہ جلانے کا کام کرتا ہے، قہوہ میٹابولزم اور چربی جلانے کی شرح میں بھی اضافہ کرتا ہے۔
قہوہ کے اینٹی آکسڈینٹ مواد کی وجہ سے جیسے ’پولیفینولز‘ جو پودوں میں پائے جانے والی خوردبینی غذائیں ہیں، دماغ کی صحت کو بہتر کرتی ہیں جو کینسر، قلبی امراض اور ذیابیطس کا خطرہ کم کرتی ہیں۔
آج کل بڑھا ہوا وزن صرف خواتین نہیں بلکہ مرد حضرات کے لیے بھی انتہائی پریشان کن ہے کیونکہ اس سے ناصرف آپ کی شخصیت پر اثر پڑتا ہے بلکہ بہت سی بیماریاں بھی لاحق ہوجاتی ہیں جن میں ذیا بیطس، بلڈ پریشر، گھٹنوں جوڑوں کا درد اور کولیسٹرول وغیرہ شامل ہیں۔
ڈاکٹر عائشہ عباس نے لوگوں کو ہر گھر کے کچن میں موجود اشیاء سے قہوہ بنانے کا طریقہ بتایا جس سے جسم کو بغیر نقصان پہنچائے آسانی سے وزن کم کیا جاسکتا ہے۔
قہوہ بنانے کا نہایت آسان طریقہ
اجزاء :
کلونجی، زیرا، دار چینی، چھوٹی الائچی اور سونف اپنے اندازے کے مطابق لٰیں اور انہیں پیسیں اور پاؤڈر بنالیں پھر اس پاؤڈر کی ایک چٹکی ایک گلاس پانی میں اچھی طرح پکا کر قہوہ بنالیں۔
ڈاکٹر عائشہ کے مطابق اس پانی کو سارا دن عام پانی کی جگہ پئیں، اس سے جسم میں طاقت ملے گی اور ساتھ ہی زیادہ بھوک بھی نہیں لگے گی، یہ قہوہ ان افراد کے لیے بھی انتہائی مفید ہوگا جو ہر وقت قبض کی شکایت کرتے رہتے ہیں۔
انہوں نے کہا کہ کوئی بھی شخص اس وقت تک وزن کم نہیں کرسکتا جب تک اس کی قبض ختم نا ہو لہٰذا یہ قہوہ بہت سی بیماریوں کا علاج ہے۔