اسلام آباد:سینئرصحافی اوراینکرپرسن حامدمیرنے دعویٰ کیاہے کہ صدر آصف علی زرداری اسرائیلی خفیہ ایجنسی’’موساد‘‘کے نشانے پرہیں۔ سوشل میڈیاپروائرل ایک ویڈکلپ میں حامدمیر نے صدرآصف علی زرداری کو عہدے سے ہٹانے کی حالیہ افواہوں کاذکرکرتےہوئے مستند ذرائع کے حوالے سے دعویٰ کیاکہ صدرزرداری کو نشانہ بنانے کی اس مہم کے پیچھے موساد ہے۔انہوں نے کہاکہ حالیہ ایران ، اسرائیل جنگ میں صدرآصف علی زرداری ،وزیراعظم شہبازشریف اورفیلڈمارشل سیدعاصم منیر ایک پیج پرتھے ،چنانچہ موساد چاہتی ہے کہ اس ٹرائیکامیں دراڑیں ڈالی جائیں،چونکہ اس ٹرائیکاکےسب سے کمزورسٹیک ہولڈرصدرآصف زرداری ہیں جن کے پاس اختیارات محدود ہیں،اس لئے موساد سمجھتی ہے کہ پہلے صدر آصف علی زرداری کو نشانہ بنایاجائے ،پھروزیراعظم شہبازشریف اوراس کے بعدفیلڈمارشل کو نقصان پہنچایاجائے۔