واشنگٹن ، نیویارک ٹائمز کی ایک تازہ ترین رپورٹ میں انکشاف کیا گیا ہے کہ نو منتخب امریکی نائب صدر جے ڈی وینز نے اپنا طے شدہ غیر ملکی دورہ آخری لمحات میں مؤخر(forigen visit cancle) کر دیا ہے۔

وائٹ ہاؤس کے ذرائع کے حوالے سے بتایا گیا ہے کہ دورے کے التوا کا فیصلہ بعض ناگزیر وجوہات کی بنا پر کیا گیا ہے، تاہم ابھی تک ان وجوہات کی مکمل تفصیلات جاری نہیں کی گئیں۔

رپورٹ کے مطابق نائب صدر کا یہ دورہ خطے میں امریکی مفادات اور اتحادیوں کے ساتھ تعلقات کو مزید مستحکم کرنے کے حوالے سے انتہائی اہمیت کا حامل سمجھا جا رہا تھا۔

سفارتی ذرائع کا کہنا ہے کہ جے ڈی وینز کے اس دورے کے دوران اہم معاشی اور دفاعی معاہدوں پر دستخط متوقع تھے، لیکن اب اس منسوخی کے بعد ان معاملات پر پیشرفت عارضی طور پر رک گئی ہے۔

نیویارک ٹائمز کے مطابق واشنگٹن میں جاری اندرونی سیاسی مشاورت اور بعض قانون سازی کے معاملات بھی اس التوا کی ممکنہ وجہ ہو سکتے ہیں۔

دوسری جانب کچھ تجزیہ کاروں کا ماننا ہے کہ عالمی صورتحال میں تیزی سے ہوتی تبدیلیوں اور سیکیورٹی پروٹوکولز کو مدنظر رکھتے ہوئے یہ فیصلہ کیا گیا ہے۔

وائٹ ہاؤس کی جانب سے جاری کردہ ایک مختصر بیان میں کہا گیا ہے کہ نائب صدر جے ڈی وینز اپنے غیر ملکی شراکت داروں کے ساتھ رابطے میں ہیں اور وہ اس دورے کو منسوخ نہیں بلکہ صرف مؤخر کر رہے ہیں۔

مزید پڑھیں:امریکا سے مذاکرات کیلئے اپنا وفد پاکستان بھیجنے کا فیصلہ ابھی نہیں کیا؛ ایران

بیان کے مطابق دورے کا نیا شیڈول جلد ہی متعلقہ ممالک کے ساتھ مشاورت کے بعد جاری کیا جائے گا۔ اس اچانک فیصلے نے بین الاقوامی میڈیا اور سفارتی حلقوں میں بحث چھیڑ دی ہے اور اسے صدر ٹرمپ کی انتظامیہ کی ترجیحات میں تبدیلی کے طور پر بھی دیکھا جا رہا ہے۔