واشنگٹن ،عالمی مارکیٹ (International fuel market)میں برطانوی خام تیل کی قیمت میں 7 فیصد کمی ہوئی جس کے بعد برطانوی خام تیل 100 ڈالر فی بیرل پر آگیا۔امریکی خام تیل کی قیمت میں بھی 8 فیصد کمی دیکھنے میں آئی جس کے بعد امریکی خام تیل 92 ڈالر فی بیرل پر ٹریڈ ہوتا دیکھاگیا۔

ایک صفحے پر مشتمل باہمی مفاہمت کی یادداشت میں امریکا اور ایران کی جانب سے آبنائے ہرمز میں آمدورفت پرپابندیاں ہٹانا بھی شامل ہوگا۔یران ڈیل پر پیشرفت سے متعلق ٹرمپ کا بیان،پاکستان اور دیگر ایشیائی اسٹاک مارکیٹس میں تیزی

یاد رہے کہ گزشتہ روز پروجیکٹ فریڈم عارضی طور پر روکنے کے اعلان کے بعد تیل کی قیمتوں میں کمی دیکھنے میں آئی تھی تاہم آج ایران امریکا کے درمیان معاہدے ہونے سے متعلق خبروں کے بعد تیل کی قیمتیں مزید گر گئیں۔

امریکی اور بین الاقوامی میڈیا رپورٹس میں دعویٰ کیا گیا ہے کہ امریکا اور ایران جنگ کے خاتمے کیلئے معاہدے کے قریب پہنچ گئے ہیں اور اگلے 48 گھنٹوں میں کئی اہم نکات پر ایرانی ردعمل متوقع ہے۔

مزید پڑھیں:ڈیرہ اسماعیل خان ائیرپورٹ مکمل طور پر بحال اور فعال کردیاگیا،وزیر دفاع خواجہ آصف

رپورٹس میں امریکی حکام کے حوالے سے بتایا گیا کہ معاہدے میں ایران کی جانب سے جوہری افزودگی پرپابندی پر رضامندی اور جواب میں امریکا کی ایران پرعائد پابندیاں ہٹانے اور منجمد ایرانی فنڈز جاری کرنے پر رضامندی شامل ہے۔