انسدادِ دہشت گردی عدالت اسلام آباد نے مقدمہ نمبر 714 تھانہ مارگلہ میں پاکستان تحریکِ انصاف کے ارکانِ قومی و صوبائی اسمبلی کے ناقابلِ ضمانت وارنٹِ گرفتاری جاری کر دیے ہیں۔

اسلام آباد: انسدادِ دہشت گردی عدالت کے جج طاہر عباس سپرا نے تھانہ مارگلہ میں درج مقدمہ نمبر 714 کی سماعت کے دوران پاکستان تحریکِ انصاف سے تعلق رکھنے والے 8 اراکینِ قومی و صوبائی اسمبلی کے ناقابلِ ضمانت وارنٹِ گرفتاری جاری کیے ہیں۔ عدالت کی جانب سے جن رہنماؤں کے وارنٹ جاری کیے گئے ہیں ان میں اراکینِ قومی اسمبلی (ایم این ایز) شاہد خٹک، مولانا نسیم علی شاہ، عامر ڈوگر، عاطف خان اور اقبال آفریدی شامل ہیں۔

اس کے علاوہ اراکینِ صوبائی اسمبلی (ایم پی ایز) میں مینا خان آفریدی، ڈاکٹر امجد اور شفیع جان کے بھی باضابطہ ناقابلِ ضمانت وارنٹِ گرفتاری جاری کیے گئے ہیں۔ انسدادِ دہشت گردی عدالت نے کیس کی کارروائی کو آگے بڑھاتے ہوئے ایس ایچ او تھانہ رمنا کو سخت ہدایات جاری کی ہیں کہ تمام متعلقہ ملزمان کو فوری طور پر گرفتار کر کے عدالت کے روبرو پیش کیا جائے۔

واضح رہے کہ اس قانونی کارروائی اور مقدمے کے تحت نامزد اراکینِ اسمبلی کی عدالت میں حاضری یقینی بنانے کے لیے ایس ایچ او کو باقاعدہ حکم نامہ ارسال کر دیا گیا ہے تاکہ تمام ملزمان کو گرفتار کر کے عدالت کے سامنے حاضر کیا جا سکے۔