اسلام آباد(صغیر چوہدری )پنجاب۔ سندھ۔خیبر پختون خواہ۔بلوچستان ۔آزاد جنوں کشمیر اور گلگت بلتستان سمیت ملک بھر میں 9 محرم الحرام کے 2763 جلوس جبکہ 7598 مجالس منعقد ہوئیں ۔ وزیر داخلہ محسن نقوی نے اپنے ایکس پیغام میں کہا ہے کہ انکے لئے بڑے اعزاز کی بات ہے کہ انہوں نے روڑی سندھ میں پاکستان کے سب سے بڑے محرم کے جلوس کا دورہ کیا ۔ محسن نقوی نے کہا ہے کہ جلوس اور مجالس کی سیکیورٹی ڈیوٹی پر مامور قانون نافذ کرنے والے اداروں نے امن و امان برقرار رکھنے کے لئے انتھک محنت کی جبکہ سول انتظامیہ نے بھی بھر پور فرائض سرانجام دئیے جسکی بدولت تمام جلوس بڑے احسن انداز میں اختتام پذیر ہوئے۔