معرکۂ حق میں وطن پر جان قربان کرنے والے نائیک محمد وقار خالد( (Muhammad Waqar Khalid شہید کی والدہ نے بیٹے کی شہادت پر اپنے جذبات کا اظہار کرتے ہوئے کہا ہے کہ وہ خود کو ایک خوش نصیب ماں سمجھتی ہیں۔
انہوں نے بتایا کہ معرکۂ حق کے دوران ان کا بیٹا بنالہ سیکٹر میں تعینات تھا۔ 10 مئی کو آخری مرتبہ فون پر بات ہوئی تو بیٹے نے کہا، “امی دعا کریں مجھے شہادت نصیب ہو۔”
والدہ کا کہنا تھا کہ انہیں اپنے بیٹے کی قربانی پر فخر ہے اور وہ اس بات پر شکر گزار ہیں کہ ان کا بیٹا وطنِ عزیز پر قربان ہوا۔
انہوں نے خواہش ظاہر کی کہ ان کا پوتا بھی پاک فوج( (Pakistan Army میں شامل ہو کر ملک کے دشمنوں کے خلاف لڑے۔
شہید کی والدہ نے عزم کا اظہار کرتے ہوئے کہا کہ جب تک وقار خالد جیسے بہادر بیٹے موجود ہیں، دشمن پاکستان کی سرزمین کا کچھ نہیں بگاڑ سکتا۔
وطن پر بیٹا قربان کرنے والی ماں کے تشکر اور مان بھرے تاثرات، بیٹے کی خوائش تھی شہادت نصیب ہو اسکی خوائش پوری ہوئی ۔۔ میرا پوتا بھی بڑا ہوکر فوجی افسر بنے دشمنوں کے ساتھ مقابلہ کرے۔۔ جب تک اس دھرتی پر قربان ہونے والے بیٹے موجود ہیں اس ملک پر آنچ نہیں آسکتی۔ 🇵🇰🇵🇰 pic.twitter.com/QfSxNnGOMJ
— Pakistan's Shield 🇵🇰 (@PakistansShield) April 29, 2026
