معرکۂ حق کے دوران جذبۂ خدمت سے سرشار ایک سماجی کارکن اور عالمِ دین نے اپنے تاثرات کا اظہار کرتے ہوئے کہا ہے کہ اس مشکل وقت میں ان کی پوری ریسکیو ٹیم عوام کی خدمت میں مصروف رہی۔

عالمِ دین کے مطابق، “معرکۂ حق کے دوران ہماری پوری ریسکیو ٹیم میدان میں موجود رہی۔ ہم نے زخمیوں کو فوری ریسکیو کیا، انہیں ابتدائی طبی امداد فراہم کی اور متاثرین کے لیے خوراک اور پانی کا بھی بھرپور انتظام کیا۔”

انہوں نے کہا کہ اس خدمت کے پیچھے اصل قوت ان کا جذبۂ ایمانی اور وطن سے محبت ہے۔ “ہماری ہمت اور حوصلے کی بنیادی وجہ ایمان کی طاقت اور پاک فوج(Pak Army) سے والہانہ محبت ہے، جس نے ہمیں ہر مشکل گھڑی میں ثابت قدم رکھا،” انہوں نے مزید کہا۔

مزیدپڑھیں:معرکہء حق کے ایک سال مکمل ہونے پر نوجوانوں کے تاثرات
عالمِ دین نے اس عزم کا بھی اعادہ کیا کہ وہ دفاعِ وطن کے لیے ہر وقت تیار ہیں۔ ان کا کہنا تھا، “ملک و قوم کی خاطر ہم ہر مشکل میں ہر دم حاضر ہیں اور رہیں گے، کیونکہ یہ ہمارا فرض بھی ہے اور ایمان کا تقاضا بھی۔”