تنازعات کی زد میں رہنے والی انڈین پریمیئر لیگ (آئی پی ایل) میں ایک اور نیا تنازع سامنے آگیا۔
بھارتی میڈیا رپورٹس کے مطابق بھارتی کھلاڑی ریان پراگ پر ڈریسنگ روم میں شرمناک حرکت کے باعث پابندی لگنے کا امکان ہے۔
بدھ کے روز راجستھان رائلز نے پنجاب کنگز کی جیت کا سلسلہ توڑ دیا مگر میچ کے بعد گفتگو کا مرکز کارکردگی نہیں بلکہ کپتان ریان پراگ کی ایک ویڈیو بن گئی۔
Rajasthan Royals might have snapped Punjab Kings’ winning streak on Wednesday, but the talk of the town wasn’t the scoreboard; it was Riyan Parag. Despite the high-intensity win, the RR skipper found himself at the centre of a social media firestorm after live cameras caught him… pic.twitter.com/j82d4ZtqdI
— Hindustan Times (@htTweets) April 29, 2026
میچ کے دوران لائیو کیمروں میں وہ ڈریسنگ روم میں ویپنگ کرتے ہوئے نظر آئے جس کے بعد سوشل میڈیا پر شدید ردعمل سامنے آیا۔
Rr captain Riyan Parag smoking vape in dressing room 🚬 pic.twitter.com/za5BzplJsV
— Cute Lassi 🥤 (@yorkerking01) April 28, 2026
ناقدین نے اس عمل پر سوالات اٹھادیے، اسٹیڈیمز اور خاص طور پر ڈریسنگ رومز میں سگریٹ نوشی یا ویپنگ سختی سے ممنوع ہے۔
معاملہ صرف قوانین کی خلاف ورزی تک محدود نہیں رہا بلکہ قانونی پیچیدگی بھی پیدا ہوگئی ہے۔
مزیدپڑھیں:سری لنکا کرکٹ کے صدر شمی سلوا مستعفی ہوگئے
بھارت میں 2019 کے قانون ’پروہیبیشن آف الیکٹرانک سگریٹس ایکٹ (پیکا)‘ کے تحت ای سگریٹس اور ویپس کی تیاری، فروخت، خریداری، درآمد و برآمد اور تشہیر پر مکمل پابندی ہے۔
اس قانون کی خلاف ورزی کرنے والوں کو جرمانے اور قید جیسی سزاؤں کا سامنا بھی کرنا پڑ سکتا ہے۔
