کراچی(نیوزڈیسک) قومی ادارہ امراضِ قلب (این آئی سی وی ڈی) اسپتال میں نوجوان کے دل کا 16 گھنٹے طویل آپریشن کامیابی سے مکمل کرلیا گیا۔

اعلامیہ کے مطابق پاکستان میں پہلی بار’’ٹوٹل آرچ ریپلیسمنٹ ود فریزَن ایلیفینٹ ٹرنک ٹیکنیک‘‘ سے یہ سرجری انجام دی گئی۔

ترکیہ کے سرجن اورسےکِزل ٹیپے کو خصوصی طور پر مدعو کیا گیا، انہوں نے این آئی سی وی ڈی کے ماہرین کے ساتھ آپریشن مکمل کیا۔ خیرپور سے تعلق رکھنے والا نوجوان تیزی سے صحتیاب ہو رہا ہے۔

اعلامیہ کے مطابق 60 لاکھ روپے کی لاگت کی سرجری سندھ حکومت کی معاونت سے مکمل طور پر کسی اخراجات کے بغیر انجام دی گئی۔